Duran’s TV- live streaming video powered by Livestream

Duran’s TV- live streaming video powered by Livestream

Shared via AddThis

Halwad Oo is xooday

Waxa halkan waxa aad ka daawan doondoo hobol Max’uud Xuseen Max’ed Sulub oo heestiisii Gashaamo oo muuqaalla aad ka bogan doontaa.

Geellaa Markuu,………………………….. Waxkale oo …………..

Sida kor ku xusan waa qaali shayga Geel lagu magacaabaa cidna dhayal kama dhigan karto in kastoo laga guuray waagiisii, haddana, Alle ayaa qiimeeyey.

Halka waxa aan ku soo gudbinayaa gabay waxtarka iyo hawsha geella ba wax ka sheegaaya.

Maxamed Cabdulle Cali (Gammuute) (HJ)

Gammute gabaygiisan soo socda waxa ragga suugaanta ku xeeldheeri ku tilmaamaan inuu yahay gabay geel loo marsho kii ugu qiimaha badnaa.
Abaar xun baa dhacday markaasaa Gammute geelii u dhaadhiciyey Guban iyo dhul aanu weligiis arag. Nin ay walaala ahaayeen oo Cabdi la odhan jirey baa yidhi “War geeli aan had qabadsiino Gaadlayaal baa roobku soo joogaaye”.
Gammuute oo geel dhaqashadiis ka niyad jabay ka dib markii gaalku gelelefo ee goor walba qabto ayaa marshey tixdan oo uu leeyahay “Gaadlayaal maxaa iiga dan ah inaan lacag dhaafsado ayaabaan maanka ku hayaaye”. Wuxu noqday gabay Xeeldheer oo Abwaanku suugaanta geela kaalinta koowaad uga galay.
 

Cabdiyoow gugayguna ma yara guunna waan ahaye Hadaad talada igu gawdhiseen hayska geedido’e Dadkoo gama’san gaadh Faranje iyo galawga moyaane Bal garwaaqso xalay baan guntaday galin dhexadkiiye Gooraan ninkii dhaqayba waw guul daro iyo ciile Haddaan Guulle ii soo kaxayn Guban ma taageene Gabangoobbi guri xaalfa iyo Gol uma daayeene Waakaa guduudkii ka ba’ay goobadii shuqule Gadhfeedh iyo Madheedkii Dannod Gawlalliyo Caado Gaaraabidhaanle iyo intaa godod u sii jeeda Halka Yicibta laga soo guriyo Gubadki Qaansoole Gorgor iyo Garboole oo degmadu geedi ku ahaatay Wax dheexaad diraac gamashigeed geediyaal raraye Gabri iyo intaan Tuur-Wareen guudka uga meersho Gadaal baan ku soo furi lahaa goosay meel badane Garwaanlaana waw daban lahaa Good anoo wada’e Dhaaxaan Diraac gamashigeed geeddiyaal raraye Gartallawga waataan wax badan daba galluubnaaye Sidii Gorayadii Riinji iyo Garane daaqaysay Waataaan biyaha uga go’ay ee geeri lay filaye Markuu kabaha gaadhkooda sare guudka ka idlaaday Gondahayga Jiiq iyo ka guray Gocondho shaydaane Kolkay Ayda soo wada gashee gobolba meel aaday. Goonyaha isaga soo duwoo geed bidhaansadaye Casarkii intaan godin la kacay gaaf u soo dhigaye Gabbalka iyo fiidkii markuu Gabanku soo dhaafo Ee xerada lagu soo genbiyey gaabiskii tebaye Ganto baas la soo roorayoo guura-baaba’aye Hadba gegi Cidla joogsadoo guux dhegeysadaye Meeshaan gadiidkii ka rogey soo garwaaqsadaye Habeenkaa sidii Cawl la ganay gooxa yuururaye Markuu waagu ii galalax yidhi goosankii helaye Anoo gaajo weyn qaba u imi kaan ka soo gudaye Gabnada iyo candhoolaha nirgaa lagu gunnaynaayo Intaan fidhinfidhlaha soo gogladay gaar u fuuqsadaye Dabadeed Ganuun buuxa iyo Gaawe raacsadaye Gartuubtiyo Caleentiyo markuu Gawdhadhka idlaysto Gadaal buu ku oomee markuu golongolee dhuubto Gadhtallawga maantay Nugaal Garawo soo aaddo Iyada oo Harraad gubey ninkii Guuliyaan ahaye Garanuug an toogtiyo ri’ aan galin dhan hiigaayay Gog halaad intaan u xidhay goof ku soo degaye Gunta Caynabo laysaku xidhay galay salaadiiye Hadba gacan ka daray uumiyuhu ways gerbinayaaye Qoraxdoo gabaabsiya anigoo guraya lay yeedhye Gaban-goobbidii iyo la tu’i gegidi hiireede Gayaxay ahayd meesha iyo gelin horaadkii’e Gaawaha markii lala galee godolna loo taagey Ay Gorofka sida reer la miray geba-gebaynaysey Afartii gudboonaa markii lagu garaacaayey Gabno looma yeedhyeedho iyo Ganya dhega-weyne Marqihii guduudnaa haddii goodir laga buuxsho Gurboodkiyo nin gaajaysan iyo gacalka mooyaane Aniga iyo ninkii ila gudboon waa ka garanuuge Afkaygana ma gelin meesha iyo garashadaydiiye Markaasaa gadaalkana durduur lagu garaacaaye? Sida Gaadhi boosh lagu guroo galab carraabaaya Gug bay soo tidhaahdaa waddada qoobka gelisaaye Habeenkaa guryaha Baalidhaye inay gashaa weeye Goblamahakan tuug iyo Dhurwaa gaadayaa jira’e Dhaaxay intay daba galeen gurada jeexeene Gami’i mayno ee waa inaan gaadh ka qabanaaye Rag gadaaman baa labada fiid goonyahaw baxa’e Goonbiyado iyo bay sitaan gaabanow Sumuc’e Guduudkay istaagtaa sidii gaal ugaadhsiyahe Aniguna geddeedaan baratiyo caynka loo galo’e Markaan oodda gees uga duway gudub u jiidhaaye Subaxaa ninkii garanayoow gadantay Mayliige Waa inay Gurracan sii martaa gobabki dheeraaye Maantaa waxay geleleftaa gudihi Dhoomoode Gobka Heelmaraalay ka bixi gaafki dhererraaye Galgal iyo miduun baa la geyn gumaci Tuur-Uuse Geedmadowga iyo Seerigaa Goodir loo dhigiye Halkaasay kalkii soo galaba dibuga gooshtaaye Garab-weynta iyo Rimayda iyo Goodirkiyo Qaanka Gaaleemaduu xooray buu gugu Hillaacaaye Oo gaadda weynoow Ratigu gii’da ka hayaaye Nin waliba sidii uu u galay gumaradeed tuugye Col gingiman gurgurin laysu guray talo la gawdiidshey Guntiga iyo Feedhaha ku xidhay Gumuc Rasaaseede Gabgabbiga habeenkaa dhul dhexe Gawre nagu laaye Ilaalada horeetaba gurnay iyo wiilashaan garanne Wax la sii gucleeyaba la arag reero goonniyahe Gaashaanka noo ride intay gacanta muujeene Gudguduudka waaberi dagaal lagu galaydh-xoorye Gardarrada raggii loola tegey Gamaska loo qaadye Ka gug-siinnay meel lagu go’ay Goojo dheertahaye Wax la sii garaacaba markaan gelin dhan qaadayney Gaydhooy raggii maali jirey Guruxa soo saarye Gungunnaaga uga leexanniyo Geel-ilaashaha’e Maadhiin gariiraaya oo gur isu dhaafaaya Giiryaale miihiye naftaba geed ku soo xidhaye Geerida ilaahbaa hayee Gaaddankaw hadhaye Ka gaddoome Guutaa waddiyo Gaaski loo wacaye Gebagebaha loo dhigay halkay goray ka yuusaysey Iyadaan Xabbaadhiiba go’in gool ka dhuun jaraye Ka gig-beelnay Darib laysu guray gudurka mooyaane Adiguba garaad waw lahayd goobahaan dhigaye Gubniyaal Sarkaal iyo haddii Goondharku u fuulo Geyi lagu beriiiyaa ma jiro Gobiyo Heemaale Waa kaa ka soo guray halkay goray ku sheellayde Sida Mawdka loo go’o dhulkuu gelelefaayaaye Guudaan ha laayo’e ka tegey gacaladiisiiye Gurya caydhi waa badanyihiin gees la eegaba’e Nimankii Ogaadeen u galay gaankii Habar Yoonis Gaadiidna nimanbaan ka raran gaar u hayn jiraye Dhaaxay sidii goonni-daaq gubadka daajeene Gashi ay qabeen iyo ma jirin goddob ay hooyeene Nimanbaa ganteeyaye iyaba Gaanle ma ahayne Garaad Faarax laba goonjibay guluf ku dhaafsheene Gadhmadowda Reer Gorod Xirsiyo Galacba waa caydhe Waayadan ganuun looma shubin malahay Gaandaa’e Gartii weeye Cali Dhuux inuu gama’a diidaaye Gaajiyo Haraad bay badeen gabannadiisiiye Godbardaale iyo maalintay Gaabo ololaysay Hadaba waxan ka galiilyoonayaa gadhadhacdeediiye Galaasyaaba lagu malayaa Gaawihii dhigaye Niman aan af garan waayay ayaa goonjigii cunaye Guntiin lacaga, gaandaha lo’aad ginigi Nairobi Gasab kale inaan dhaafsaday gocatay laabtiiye Maxaa Gaadlayaal iiga dana waaba gadayaaye

Waxa aanu ka soo xiganay; http://www.hoygasuugaanta.com

Xusnul-Khaatumo {Gabay uu Salaan Maxamed Tiriyey}

Gabaygan inta koobani laga hayo waxa Salaan u tiriyey nin ay ilmaadeer ahaayeen oo Xirsi Maxamed la odhan jirey. Xirsi wuxu Salaan ka codsatay bal inuu gabayadiisii u mariyo. Salaan oo da’diisu aad u weynaatay Eebbena cimriga u siyaadiyey wuxu Xirsi xasuusinayaa Xaalka Qiyaame.
Wuxu Salaan {Alle godka ha u nuuree} sheegayaa sida uu adduunka uga xiiso dhigay ee uu aakharo iyo Alla ka cabsi ugu go’ay. Ta muhiimad kowaad lihina ay taas tahay.

 

Xirsiyoow xarragadeedba dhigay xiiso duniyeede,
Is xasuus-shey aakharo haddaan xay markaa ahaye,
Xaqu nimuu sugaayaan ahay oon qodan xabaashiiye.

Waxay Laxiba Xaadhxaadhataa xerada meesheede,
Denbigaan xanbaarsanay sidii xaabadiyo cawska,
jeeroon Xublada foosha rido xamilka guudkayga,
Nin adduunba xaradhaamadii xooray baan ahaye.

Intaanse Mawdku igu xaadir noqon waa xukmi Ilaahe,
Xusnul-Khaatumo iyo Toobadaan ku xarbiyaayaaye,
Werdigaan xisaabsanahayaa xay intaan ahaye,
Naartii Rabboow naga xoree waan xajiyayaaye. {Salaan}

“Wixii la qoraa Quruumo hadhee Muxuu hadal qiimo leeyahay” Cabdi Sinimoo.

Wixii La Qoraa

Quruumo hadhee

Muxuu hadal

Qiimo Leeyahay

Sida ay muujinayso Belwo-da kor ku xusani, in Soomaalidu ay wax tidhaahdo laakiin muddo yar ka dib ay qarsoonto oo ay maanka Soomaalida ka gedmato. Halkaana lagu hilmaamo kuna baaba’do xikmaddii ay sidayna bartaa lagu dhaafo. Waaxana lagu salayn karaa sababta ay cajallada Soomaalidu had iyo dib isugu laab-laabato, oo halkii aad doraato maraysey ayaa haddana kaa hor imanaysa.

 

Si Kasta ha ahaatee, waxa cad in ereyga hadhaa uu yahay ka meel lagu xariiqo {qoro}, tilmaan cadna reebta oo hadhow laga raadiyo marka muran dhaco, teena se waa waxa la yidhi taasina waxay ka dhigtaa ku-tiri-ku-teen.

 

Waxa haboon inaan halkan ku soo min guuriyo hal ku dhegyo ay ka tageen rag hore oo Eebbe ku manaystay Af Soomaaliga. Bal aan sida qiimaha leh ee uu Alla Haw Naxariistee Faarax Nuur ku tilmaamay halka dhaqanka Soomaaligu ku sifeeyey damaca qofka. Geeraarkan waxa uu ku tilmaamayaa abwaanku xadka uu dulqaadku lee yahay ee bani aadamka loo samri karo; bal dhugo;

 

 

Rag sabaan ka sabaan baan, 
Samaantuun badiyaa. 
Haduu saakimi waayo, 
Sariiraan u dhigaa, 
Iska seexo idhaa. 

Haduu saakimi waayo na, 
Caanihii hasha Suub baan, 
Saddex goor u lisaa, 
Ku sarriigo idhaa.
Haduu saakimi waayo, 
Sumalkii rugta joogay iyo, 
Sogobkaan u qalaa, 

Haduu saakimi waayo, 
Siirigii Cadmeed baan, 
Subaggawga badshaa, 

Haduu saakimi waayo, 
Gabadh suurad wanaagsan baan, 
Surrada ugu dhisaa. 

Haduu saakimi waayo, 
Xoolo gooni u soofiyo, 
Sadadaan ku ladhaa, 
Haduu saakimi waayo, 
Seeddow, mood iyo mood iyo, 
Salaantaan badiyaa. 
Haduu saakimi waayo 
Salaadaan lallabaa yoo 
Meydal seedo madow iyo 
Salligaan cuskadaa yoo 
Sulub eebo ku joogtaan 
Sarartaa ku dhuftaa 
Sambabkaan ka baxshaa 
Markaasuu sellimaa

Limit to Submission part 2

Waa Qaybtii Labaad ee Dhugasho Wacan;

Limit to Submission Part 1

Waa Fariin Taariikhi ah oo uu ka tegey  Xuseen Max’ed Aadan. Laakiin marna kama dhergin sida ay Soomaalidu wax u maqasho, ragga ku jira cajaladduna waa Indheer-garadkii ummaddu xilligaa lahayd ee uu calaashaday taliskii meliteriga ahaa ee  macangaga ahaa ee waaggaa ka arimin jirey geygii Jamhuuriyaddii Soomaaliya, bal dhugo;

 

Baadhid dheer oo hufan, dhul baxaad lehna way ka hadlaysaa.

Duco Aan Soo Noqon !

Waxa aadamuhu sugaa isbedel ku yimaada had iyo goor noloshiisa. Kolka la waayo ama uu ka raagana waxa laysku dayaa in uun tiir loo cuskado maqnaashaha. Mid la weydiisto cid dheeraada ayaa ku badan. Taas oo nisbaynayo in ay ka awood weyn tahay. Loona filo in ay wax ka qaban karto, karti darada markaa haysata.

Illeen Waraabe Weedhi Ma Gasho

 

Wallee Dhahab-dhahab baydinnaan wax igaga qaadin.

Ummad waliba waxa ay leedahay wax ay ku faanto, haddii la waayana ay dumayso. Haddaba waxa dhawaanahan isa soo tarayey cabashooyi iyo dhaliilo badan oo isa soo taraya  inay caadaddii hore ee ay ummadani ku kala dhaqaaqday ay afka saartay. Bal dhugo sida farxashanka caanka ahi u fasiray.

Halwad oo maqal iyo Muuqaal

Waa Heestii caanka ahayd ee uu fanaanka da’da yar iskuna darsaday cod hufan iyo cod-karnimo.  Bal dheeho oo dhugo heesta iyo fanaankaba;

Hadda waykan.